IJTIMOIY HIMOYAGA MUHTOJ AHOLIGA YORDAM KO‘RSATISHDA INNOVATSION TEXNOLOGIYALARNING O‘RNI

Annotatsiya

Mazkur ilmiy maqolada ijtimoiy himoyaga muhtoj qatlamlarga yordam ko‘rsatish tizimida innovatsion texnologiyalarning o‘rni va samaradorligi tahlil qilinadi. Raqamli jamiyat sharoitida ijtimoiy himoyani takomillashtirish kam ta’minlanganlar, nogironligi bo‘lgan shaxslar, yolg‘iz keksalar va ishsizlarni qo‘llab-quvvatlashda muhim ahamiyat kasb etadi. Maqolada AKT, elektron hukumat, raqamli platformalar, sun’iy intellekt, Big Data, mobil ilovalar hamda avtomatlashtirilgan monitoringning ijtimoiy xizmatlarga integratsiyasi yoritiladi. Shuningdek, manzilli yordamni ta’minlash, ehtiyojlarni aniqlash, shaffoflik va tezkorlikni oshirish hamda xatolarni kamaytirish imkoniyatlari ko‘rib chiqiladi. Xorij tajribasi va milliy tizimda joriy etilayotgan raqamli yechimlar qiyosiy tahlil qilinib, natijalar ijtimoiy himoya tizimini modernizatsiya qilish va xizmatlar sifatini oshirishga qaratiladi.