TOJIK VA O‘ZBEK ADABIYOTIDA EPIK TASVIR AN’ANALARI

Аннотация

Ushbu maqolada o‘zbek va fors adabiyotida epik an’ananing shakllanishi, rivoji va o‘zaro aloqadorligi qiyosiy-tahliliy yondashuv asosida o‘rganildi. Tadqiqot davomida epik asarlarning syujet-kompozitsion tuzilishi, qahramonlik va axloqiy g‘oyalar talqini, mifologik va tarixiy unsurlar uyg‘unligi tahlil qilindi. Fors adabiyotida Firdavsiy, Nizomiy va Jomiy ijodida epik tafakkur davlatlilik va milliy birlik g‘oyalari bilan uyg‘unlashgani aniqlansa, o‘zbek adabiyotida Alisher Navoiy ijodida epik an’ana ma’rifiy-falsafiy mazmun bilan boyitilib, insoniy kamolot va axloqiy barqarorlik g‘oyalari markaziy mavqega ega ekanligi ko‘rsatildi. Tadqiqot natijalari epik an’ananing milliy tafakkur va tarixiy sharoit bilan bog‘liq o‘ziga xos xususiyatlarini ochib beradi va Sharq adabiyotshunosligida epik merosni qiyosiy-tahliliy o‘rganish uchun ilmiy asos yaratadi.