NAIM KARIMOV HIKOYALARIDA QATAGʻON DAVRI VOQELIGI TALQINI

Annotatsiya

Taniqli shoir va yozuvchilarning ajoyib voqealar, unutilmas uchrashuvlarga boy hayotining betakror talqini asosida asar yaratish ijodkordan yuksak mahorat talab etadi. Qator ma’rifiy-biografik romanlar muallifi Naim Karimovning “Bu ajib dunyo” kitobidan oʻrin olgan voqeiy hikoyalar, kinoqissa, musiqiy drama va komediyalar sobiq shoʻro davrida qatagʻonga uchragan oʻzbek ziyolilarining ogʻir taqdiri haqida muhim ma’lumotlar berilganligi bilan qimmatlidir. Ularda Fitrat, Choʻlpon, Oybek, Gʻafur Gʻulom, Maqsud Shayxzoda, Usmon Nosir kabi hassos ijodkorlarning dolgʻali faoliyati bilan bogʻliq voqealar ta’sirchan va maroqli hikoya qilingan.