QUR’ONI KARIMDA METAFORANING QO‘LLANILISHI: O‘ZBEK VA INGLIZ TILLARDA LINGVISTIK VA TARJIMA TAHLILI

Annotatsiya

Ushbu maqolada Qur’oni karim metaforalarining lingvistik va kognitiv tabiati hamda ularning o‘zbek va ingliz tillariga tarjima qilinish xususiyatlari tahlil qilinadi. Qur’on metaforalari murakkab abstrakt tushunchalarni obrazli va konseptual shaklda ifodalovchi muhim lingvistik vosita sifatida ko‘rib chiqiladi. Tadqiqotda metaforalarning semantik tuzilishi, milliy-madaniy konseptlar bilan bog‘liqligi hamda tarjima jarayonida yuzaga keladigan ma’no yo‘qotilishi, semantik siljish va konseptual nomuvofiqlik holatlari aniqlanadi. O‘zbek va ingliz tilidagi tarjimalar qiyosiy tahlil asosida o‘rganilib, metaforalarning adekvat ifodalanish muammolari yoritiladi. Maqola oxirida esa izlanish natijada kelingan xulosalar ifodalanadi. Foydalanilgan adabiyotlar 10 nomda sanab ko‘rsatilgan.