O‘ZBEK QIZIQCHILARI NUTQIDA SO‘Z O‘YINLARINING STILISTIK VA SEMANTIK TAHLILI

Annotatsiya

Ushbu maqolada o‘zbek xalq og‘zaki ijodining noyob boyligi hisoblangan milliy askiya va qiziqchilik san’ati, uning lingvostilistik xususiyatlari, o‘zbek milliy so‘z o‘yinlarining o‘ziga xosligi, bu borada olib borilgan tadqiqotlar haqida ayrim mulohazalar beriladi. O‘zbek milliy askiya va qiziqchilik san’ati namoyandalari ijodidagi so‘z o‘yinlarining ahamiyati bir qancha misollar orqali tahlil qilinadi. Tahlillarda til sathlarining har to‘rtalasiga doir misollar muhokama qilinadi va olimlarning nazariy qarashlari bilan asoslanadi. O‘zbek milliy so‘z o‘yinlarida qo‘llanadigan bir qancha lingvostilistik usul va vositalar askiya va qiziqchilar nutqi misolida tahlilga tortiladi.