AGATA KRISTINING “STAYLSDAGI SIRLI VOQEA” ASARIDA NOVERBAL VOSITALARNING GRAFIK TASVIRI

Annotatsiya

Grafika qadim zamonlardan buyon rivojlanib kelayotgan shartli belgilar tizimi hisoblanadi. Grafik tasvirni milloddan avvalgi asrlarda yashab, ijod qilgan buyuk allomalar Aristotel va Geraklitga borib taqaladi deyish mumkin. Shuningdek, miloddan avvalgi I asrning boshlarida yunonlar chiziqning pastki qismida, o‘rtasida yoki tepasida joylashgan nuqtalar foydalanganliklari haqida ham ma’lumotlar mavjud. Grafik vositalar yillar davomida evolyutsiyaga uchrab kelmoqda, ular oddiy chiziq, nuqtalar yoki qadimgi davrlarda g‘orlardagi rasmlar ko‘rinishidan, hozirda turli alifbolar, ierogliflar, emoji, emotikon, gif, mem, grafon, ideogramma, diagramma, logogramma, grammatogramma kabi turlari rivojlanib kelmoqda. Maqolada grafikaga berilgan ta’riflar hamda uning turlariga oid tasniflar keltirilgan. Shuningdek, Agata Kristining “The Mysterious Affair at Styles” (“Staylsdagi sirli voqea”) asarida grafik vositalar yordamida qahramon holati aks ettirilgan.